Afättä ülüçelär sanı arttı

Kön’yaq Amerika ile Êkvadorda 18 marttağı 6,7 ball zurlığındağı cir teträwdä ğomere özelüçelär sanı 14 buldı.

Êkvador İlbaşı idaräseneñ internettağı säxifäsendä Balao şähäreneñ 6 çaqrım tön’yaq-könçığışında barlıqqa kilgän zilzilä belän bäyle yasalğan açıqlawğa kürä yaralanuçılar sanı 446ğa citte.

İldä cir teträwdän iñ küp zıyan kürgän şähärlärneñ El Oro belän Azuaynıñ buluı häm êzläw-qotqaru êşläreneñ däwam itüe citkerelde.

Cirle matbuğatta çıqqan xäbärlärgä kürä zilzilädä kimendä 360 bina cimerelde.

Êkvador däwlät başlığı Guillermo Lasso cimereklär küzätelgän şähärlärgä barıp: “Êşçänleklärne tiz räweştä başlatu öçen xökümät bularaq kiräkle barlıq finans çığanaqlarnı aşığıç räweştä täêmin ittek. Zıyannı bilgeläw êşläre başlandı,” – dide.

Afättä zıyan kğrgän kürşe Perunıñ tön’yağındağı Tumbes şähärendä dä 4 yäş’lek ber qız balanıñ ülüe, 73 keşeneñ dä yaralanuı belderelde.

Latin Amerika illärennän Braziliya, Kolumbiya häm Çilidan yasalğan açıqlawlarda Êkvador belän zilzilädä zıyan kürgän Peru xalqı belän yärdämläşügä basım yasaldı, yärdäm kürsätergä äzer buluları äytelde.