Garasatta ülüçelär sanı arta

Afrikanıñ kön’yaq-könçığışında ber ay däwam itkän Freddi ğarasatında ülüçelär sanı 522 gä citkän.

Ğarasat kiterep çığarğan su basular häm cir şuışularda Malavida 438, Mozambikta 67, Madagaskarda 17 keşe ğomeren yuğaltqan.

Berläşkän Millätlär Oyışması beldergänçä, fäläkät 500 meñ keşegä tiskäre yoğıntı yasağan, Malavida ğına 345 meñ keşe öylären taşlap kitkän.

Tabiği afättä yortların yuğaltqan keşelär lager’lärğa sıyınırğa tırışalar, yullar zıyan kürü arqasında qayber töbäklärgä kerep bulmıy.

Su astında qalğan häm yuğalğan keşelärne êzläw-qotqaru êşläre däwam itä.

Bötendön’ya meteorologiya oyışması 1 aydan artıq däwam itkän Freddinıñ tarixta iñ ozaq däwam itkän ğarasat bulırğa mömkinlegen beldergän ide.

Malavi däwlät başlığı Lazarus Çakvera Freddi ğarasatında küp sanda keşeneñ ğomere özelü nisbätennän 14 könlek matäm iğ’lan itte.