Soğud Ğaräbstanı: “İran belän kileşü – böten mäs’älälärneñ çişelüe mäğ’näsenä turı kilmi”

Soğud Ğaräbstanı yaqlawçı “Şarkul Ävsat” gazetına äñgämä birüçe Bin Färxan: "İran belän tözelgän kileşü – mäs’älälärne dialog häm diplomatiya yulı belän çişü yünäleşendäge urtaq teläkneñ kürsätkeçe”, - dip äytte.

Bin Färxan: "İke ay êçendä İran belän mönäsäbätlärne yañadan başlatırğa äzerlänülären” iskärtep uzıp, ike yaqlı säfärlärneñ yasala alınaçağına iğ’tibarnı yünältte.

Soğud Ğaräbstanı häm İran arasında ireşelgän kileşüdä Qıtaynıñ rolenä tuqtalıp uzuçı Bin Färxan: "Töbäktä iminlek häm totrıqlılıq şartlarınıñ buldırıluı mäs’äläsendä Pekin häm Tähran belän urtaq mänfäğätlärebez bar,” – dide.

İran belän Soğud Ğaräbstanı 7 yıl aradan soñ diplomatik mönäsäbätlärneñ yañadan başlatıluı mäs’äläsendä kileşügä ireşkän ide.

İke il arasında tözelgän kileşü 10nçı martta İran, Soğud Ğaräbstanı häm Qıtay tarafınnan yasalğan urtaq belderü belän iğ’lan itelgän ide.

Soğud Ğaräbstanında 2016nçı yılnıñ 2nçe ğıynwar könne şiğıy din ähele Nimr äl-Nimr belän bergä 47 keşe "terror" gäyıbe belän üterelgän ide.

Ülem xökemnärenä reakśiyağa kürsätkän İran räsmiläreneñ ber-ber artlı yasağan belderülärennän soñ Soğud Ğaräbstanınıñ Tähran ilçelege häm Mäşhäd şähärendäge konsullıq binaları İrandağı protestçılar tarafınnan yandırılğan ide. 2015nçe yılnıñ mart ayında başlanğan Yämändäge krizis arqasında bolay da kiyırenke bulğan ike il arasındağı diplomatik mönäsäbätlär tulısınça özelgän ide.