" Rusiya armiyäseneñ Baxmut şähären yawlap alu omtılışları däwam itä"

Ukraina ğomum ştab räislege beldergänçä, Rusiya armiyäseneñ Baxmut şähären yawlap alu omtılışları däwam itä.

Ğomum ştab belderüendä äytelgänçä, Rusiya armiyäse töp köçlären Liman, Baxmut, Avdiyivka, Marinka häm Şaxtyersk yünäleşlärenä höcümgä tuplağan.

Soñğı könnärdä Rusiya ğaskärläre Doneśk töbägeneñ Slovyansk şähäre asqormasına raketa höcümnäre oyıştırğannar. “Doşman 6 hawa höcüme häm raketa oçırtu sistemalarınnan 20 höcüm yasadı” diyelä belderüdä.

Ukraina ğomum ştab belderüendä Rusiya ğaskärläreneñ Baxmut şähären yawlap alu omtılışlarınıñ däwam itüe äytelä, Ukraina armiyäseneñ Minkivka häm Orixovo - Vasil’ivka toraq punktlarında Rusiya ğaskärlären çigenderüe assızıqlana.

Şulay uq Doneśk töbägeneñ Boxdanivka, Baxmut, Çasov Yar, Kurdyumivka, Drujba, Mayorsk şähärläre dä höcümgä duçar bulğannar.