43 kön êlek yuğalğan oçqıç tabıldı

Filippinnarda yuğalğannan 43 könnän soñ urını tabılğan oçqıçtan 6 mäyet çığarıldı.  

İlneñ Isabela töbägendäge Kauayannan şul uq töbäktäge Makonakonğa baru öçen 24 ğıynwar könne kütärelgän läkin annan soñ xäbärsez yuğalğan oçqıçnı êzläw êşçänlekläre êtlär belän däwam itte.

Êşçänleklär näticäsendä 43 kön êlek yuğalğan ber motorlı “Cessna 206” törendäge oçqıç kisäkläre tawlı urında tabıldı.

Oçqıçtan ber pilot häm 5 yulçınıñ mäyete çığarıldı.

Isabelanıñ Afät belän köräş ofisı räsmi zatları beldergänçä êzläw êşçänlekläre tiskäre hawa şartları häm töbäkneñ tawlı buluı arqasında atnalar buyı bardı.

Filippinnarda 1 martta yuğalğan mediŝina boralağı isä haman da tabılmadı.