AQŞta su basular turında kisätü yasaldı
Kaliforniyada cirle wäqalätlelär xalıqnı kimendä 2 atnağa citärlek töp ixtiyac tovarların alıp quyarğa çaqıra
Amerika Quşma Ştatlarınıñ Kaliforniyä töbägendä wäqalätlelär atna axırına taba kötelüçe köçle yawım-töşem häm dawıllı hawa torışı nisbätennän xalıqqa kisätü yasadı.
Meteorologiyä belgeçläre ştatnıñ, bigräk tä, yuğarı urınnarında küpmeder waqıttan birle däwam itüçe qar burannarınnan soñ Kaliforniyanıñ yaña hawa dulqını yoğıntısına keräçägen belderde.
San-Franśisko qultığı häm Sakramentonı da kertep, ştatnıñ üzäk häm tön’yaq rayonnarında yaqınça 16 million keşegä su basu qurqınıçı yanıy. Bügen häm irtägä kötelüçe çiktän tış köçle yawım-töşem häm qar êrüneñ taşqın kiterep çığaraçağı farazlana.
Milli hawa torışın farazlaw üzäge Twitter akkauntında yazma urtaqlaştı. “S’yerra-Nevadanıñ könbatış itäklärendäge ineşlär häm ağımsular yañğır häm êregän qardan barlıqqa kilüçe taşqınnarğa iñ nıq bireşüçän urınnar bulaçaq” diyelä anda.
Cirle wäqalätlelär xalıqnı kimendä 2 atnağa citärlek töp ixtiyac tovarların alıp quyarğa çaqıra. Monnan tış, öy häm êş urınnarın su basu ixtimalına qarşı qomlı qapçıqlar äzerlärgä kinäş birälär.
