Amerikanıñ iñ zur törmäsenä 2 meñ terrorçı kerde

Urta Amerika ile Sal’vador däwlät başlığı Nayib Bukeleneñ boyırığı belän tözelgän 40 meñ keşelek Amerika qıytğasınıñ iñ zur törmäsenä 2 meñ banda äğzase cibärelde.

İlbaşı Bukele Tvitterda açıqlaw yasap, bandalarğa qarşı alıp barıluçı suğışta ğorurlıq toyılğan qurqınıçızlıq däräcäsenä ireşülären citkerde.

Yuğarı qurqınıçsızlıq bulğan mega törmäneñ videosın urtaqlaşqan däwlät başlığı bolay dip belderde: “Monda xalıqqa kübräk zıyan salmıyça distälärçä yıl buyı qatnaş räweştä yäşäyäçäklär.”

Ğadellek häm qurqınıçsızlıq ministrı Gustavo Villatoro açıqlawında Terrordan saqlaw üzäge dip ataluçı törmäneñ tözelep betüen äytep: “Äkrenläp cämğıyätebezne bu yaman şeştän çistartabız. Sezne taşlamayaçağıbıznı belep torığız, qurqaq terrorçılar bulğanığız öçen cawap biräçäksez,” – dide.

San-Sal’vadorğa 74 çaqrım yıraqlıqtağı Tecoluca şähärendäge ber üzänlektä, 166 gektarlıq urında urnaşqan mega törmä 2 fevral’ könne açılğan ide.

Bandalara qarşı köräş maqsatı belän tözelgän häm Amerika qıytğasınıñ iñ zur törmäseneñ buluı äytelgän “Terrordan saqlaw üzäge”neñ açılışın däwlät başlığı Bukele yasağan ide.