Ministr utırğan boralaq kilep töşte

İranda yäş’lär êşläre häm sport ministrı Xämid Säccadi citäkçelegendäge delegaśiyä utırğan boralaq kilep töşte. Anda 1 keşeneñ ülüe belderelä.

İrannıñ räsmi agentlığı İRNAnıñ xäbärenä qarağanda, boralaqnıñ oçuçısı Kirman töbäge Baft şähärendäge sport kompleksına töşep utırğanda kontrol’ne yuğalta.

İran Qızılayı räise Pir Xösäyen Kolivend hälakättä 18 keşeneñ yaralanuın beldere. 3seneñ xäle awır.

Yäş’lär êşläre häm sport ministrlığınıñ sport öçen cawaplı ğomum mödire häm kiñäşçe İsmail Äxmädi awır yaralanıp hälaq bulğan.

Kirman ğadättän tış xällär üzäge räise Möxämmät Sabiri citkergänçä, ministr Xämid Säccadineñ hälakättä baş miye selkengän. Anıñ xäle çağıştırmaça yaxşı.

IRNA agentlığı waqıyğada yaralanuçılar arasında ber deputatnıñ da buluın yaza.