Vengriya Awrupa Berlegeneñ Rusiyägä qarata sankśiyälären xuplamıy

Vengriya prem’yer-ministrı Viktor Orban üz ileneñ Awrupa Berlegeneñ Rusiyägä qarata  tabiği gaz, neft’ häm atom ênergiyäse sankśiyälären xuplamawın belderde.

Ul bu xaqta başqala Budapeştta uzğan yıllıq bäyäläw cıyılışında yasağan çığışında citkerde.

 Orban äytüençä, alar Rusiya - Ukraina suğışında tınıçlıq yaqlı, utnı tuqtatu häm aşığıç tınıçlıq söyläşüläre genä keşe ğomeren saqlap qala ala.

Viktor Orban Rusiyäneñ Awrupağa qurqınıç tudıruın telämäwlären, şuña kürä Rusiya belän Vengriya arasında suveren Ukraina buluın xuplawların belderde.

Orban Awrupa Berlegeneñ Rusiyägä suğış arqasında kertkän sankśiyälärenä reakśiya belderde, sankśiyälär arqasında inflyaśiyäneñ artuın äytte.

Vengriya prem’yer-ministrı ileneñ Ukrainağa gumanitar yärdäm kürsätüen, läkin Rusiya belän mönäsäbätlärne özmäwen belderep, Vengriyäneñ tabiği gaz, neft’, atom ênergiyäse mäs’äläsendä Awrupa Berlegeneñ Rusiyägä qarata sankśiyälären xuplamawın citkerde.