Äfganstanda qar körte faciğası

Äfganstannıñ tön’yaq-könçığışındağı Badaxşan provinśiyäsendä soñğı 4 kön êçendä qar körte faciğası arqasında 12 keşe ğomeren yuğaltqan.

Badaxşandağı tabiğat’ afätlärenä qarşı köräş direktorı Mävlävi Möxämmäd Äkräm Äkbäri matbuğatqa yasağan belderüendä Badaxşannıñ Kohistan, Ragistan, Yavan, Şignan, Drayim häm Yaftal rayonnarında köçle qar yawu arqasında qar körte fäläkäte küzätelüen beldergän.

Äkbäri bilgeläp uzğança, sonğı 4 köndä tabiği afättä 12 keşeneñ ğomere özelgän, 12 keşe cäraxatlängän.

Mävlävi Möxämmäd Äkräm Äkbäri qar körte faciğasında 50 yortnıñ cimerelüen dä citkergän.