Filipinnän Qıtayğa reakśiya
Qıtay xärbi köymäseneñ Kön’yaq Qıtay diñgezendäge Filipin yar buyı iminlek köymäse êkipajına xärbi lazer nurı belän zarar birüe alğa sörelde
Filipin yar buyı iminlege citäkçelegennän yasalğan belderüdä Qıtayğa bäyle yar buyı iminlek köymäseneñ Filipin yar bıyı iminlek köymäsenä lazer nurları belän höcüm itüe äytelde.
Belderüdä lazer nurınıñ êkipajdan qayberäwlärendä waqıtlıça suqırlıqqa säbäp buluı häm bu höcümneñ Manilanıñ suverenlıq xoquqların bozuı citkerelde.
Belderüdä: "Qıtaynıñ xärbi personalıbızğa azıq-tölek häm kiräk-yaraqlar alıp baruçı köymälärne maxsus räweştä totqarlawı – “Könbatış Filipin diñgeze”ndä Filipinneñ möstäqıyllek xoquqların açıqtan-açıq bozu,” – dip bilgeläp uzıldı.
Filipin yar buyı iminlek räsmi zatı Kommodore Armand Balilo Qıtaynıñ moñarçı da bäxäsle töbäktä Filipin yar buyı iminlek köymälären totqarlawğa qarağan törle êşçänlek başqaruın, läkin berençe tapqır lazer nurın qullanıp êkipajğa fizik yaqtan zarar kiterüen belderde.
Qıtay Kön’yaq Qıtay diñgezeneñ 80%ında suverenlığın taläp itä. Su astı çığanaqları cähätennän bay töbäktäge däğ’walär Filipin belän ber rättän V’etnam, Brunei häm Malayziya kebek yar buyı kürşe illär belän suverenlıq tartqalaşuına yul aça.
