Süriyädä 3384 keşe ülde
Vilayät’lärdä êzläw-qotqaru êşçänlekläre 6 fevral’dan birle däwam itä
Êpiŝentrı Kahramanmaraş bulğan 7,7 häm 7,6 ball zurlığındağı cir teträwlärdä Süriyäneñ törle töbäklärendä ülüçelär sanı 3384kä citte.
Süriyädä afätlärdän täêsirlängän İdlib, Xäleb, Hama, Lazkiye häm Tartus vilayät’lärendä êzläw-qotqaru êşçänlekläre 6 fevral’dan birle däwam itä.
Äsäd rejimınıñ xäbär agentlığı SANA beldergänçä afättä Xäleb, Lazkiye, Hama häm Tartus vilayät’lärendä rejim kontrolendäge töbäklärdä 2037 keşeneñ ğomere özelde, 2950 keşe yaralandı.
Süriyäneñ tön’yağında oppoziŝiyaçel’lär kontrolendäge urınnarda da şaqtıy bina cimerelde yäisä zıyan kürde.
Süriyäneñ Keşe xoquqları çeltäre, Grajdan saqlanu, cirle räsmi zatlar, sälamätlek saqlaw oyışmaları häm cirle çığanaqlardan cıyılğan mäğlümatqa kürä Süriyäneñ İdlib belän Färat qalqanı häm Zäytün botağı xäräkäte töbäklärendä kim digändä 1900 keşe ülde, 2950dän artıq keşe yaralandı.
Oppoziŝiyaçel’lär kontrolendäge töbäklärdä däwam itüçe qotqaru êşlärendä Süriyä Milli armiyase äğzaläre dä urın ala.
Öyläre işelüçelär tönne uramnarda yäki çatırlarda uzdıra.
Süriyäneñ tön’yağındağı töbäklärdäge ictimağıy oyışmalar da aşığıç yärdäm kürsätergä çaqıra.
