Süriyädä cir teträwdän ülüçelär sanı arta

Märkäze Türkiyäneñ Kaxramanmaraş töbägendä bulğan 7,7 häm 7,6 ball zurlığındağı cir teträwlärdä Süriyäneñ törle urınnarında ülüçelärneñ sanı 2 meñ 530ğa, yaralanuçılar isä 4 meñ 645kä citte.

Zilzilädän zarar kürgän İdlib, Xaläp, Xama, Lazkiyä häm Tartusta êzläw-qotqaru êşçänlekläre 6nçı fevral’dän birle bara.

Äsäd rejimınıñ xäbär agentlığı SANA citkergänçä, cir teträwdä Xaläp, Lazkiyä, Xama häm Tartus töbäkläreneñ rejim kontrolendäge rayonnarında 1250 keşeneñ ğomere özelde, 2 meñ 45 keşe yaralandı.

Süriyäneñ tön’yağında oppoziśiyäneñ kontrolendäge cirleklärdä dä bik küp sanda bina cimerelde yäisä zarar kürde. Anda kimendä 1280 keşeneñ ülüen, 2 meñ 600dän artığınıñ yaralanuın belderälär.

Oppoziśiyä kontrolendäge töbäklärdä baruçı êzläw-qotqaru êşçänleklärendä Süriyä milli armiyäse äğ’zaları da urın ala.