Paqıstanda mäçetkä höcüm: ülüçelär sanı arta
Peşaver şähärendä 30nçı ğıynvarda mäçettä bulğan “canlı bomba” höcümendä ğomere özelüçelärneñ sanı 102gä citte
Paqıstannıñ Peşaver şähärendä 30nçı ğıynvarda mäçettä bulğan “canlı bomba” höcümendä ğomere özelüçelärneñ sanı 102gä citte.
Milli matbuğattağı xäbärlärgä qarağanda, yaralanğan xäldä xastaxanägä salınğan tağın 2 keşeneñ wafatınnan soñ ülüçelär sanı artqan.
Xayber Paxtunxva iminlek idaräse mödire Muazzam Jax Ansari höcümnän soñ başlanğan tikşerü qısalarında yasağan belderüendä gäwdäsenä bomba berketkän terrorçınıñ mäçetkä poliśiyä forması kiyep kerüen häm, şul säbäple, bik küp iminlek noqtasınnan caylı ütüen äytte. Ul waqıyğa urınına motośikl belän kilä, bitlek häm kaska qullana. Şuña kürä anıñ kem ikänen belä almıylar.
Berençel tikşerü häm texnik dälillärgä tayanıp höcümneñ Paqıstan Talibanınnan ayırılıp çıqqan Cämaat-ül Axrar oyıştıruın farazlıylar. Tik, Ansari äytüençä, monıñ artında doşman küzläw oyışması toruınnan da şöbhälänälär. Ul bu küzläw oyışmasınıñ atamasın yäisä qaysı ilneke buluın citkermäde.
