Rusiyä İzrailne kisätte

Rusiyä tışqı êşlär ministrlığı süzçese Mariya Zaxarova İzrailne Ukrainağa qoral cibärüneñ krizisnı kiñäytäçäge mäs’äläsendä kisätte. Ul başqala Mäskäwdä uzğan matbuğat cıyılışında Ukrainanı qoral belän täêmin itüçe illärne geografik prinśipqa qarap ayırmawların belderep bolay dide:

“Qoral cibärgän barlıq däwlätlär bu qorallarınıñ Rusiyä armiyäse öçen nişan bularaq qabul iteläçägen añlarğa tiyeş. Poziśiyäbez yaxşı bilgele. Östämä yäisä yaña qoral cibärü belän bäyle härber iniśiativanıñ krizisnıñ kiñäyüenä kiteräçäge qabul itelsen. Barısı da monı belergä tiyeş”.

İzrail xökümäte räise Bin’yamin Netan’yaxu Amerika Quşma Ştatlarınıñ CNN telekanalına interv’yusında Ukrainağa xärbi yärdäm yasawnı qarawların häm İrannıñ qoral citeşterüenä qarşı xäräkätkä küçülären beldergän ide.