"Möselmannarnıñ imanı häm dini xisläre xörmät itelergä tiyeş"

Qıtay tışqı êşlär ministrlığı süzçese Mao Nin Şveśiyädä çiktän tış uñçı säyäsätçe Rasmus Paludannıñ İzge Qor’änne yandıruı häm annan soñğı ğamällärneñ qayber Könbatış säyäsätçeläreneñ ışanu irege turında ikeyözlelegen kürsätüen belderde.

Mao Pekindağı köndälek matbuğat oçraşuında “Dini ışanu iregen xörmät itü xalıqara cämäğät’çelek tarafınnan kiñ qabul itelä. Möselmannarnıñ imanı häm dini xisläre xörmät itelergä tiyeş” dide.

Awrupada qayber säyäsätçelärneñ Qor’än yandıru turındağı xäbärlärne küzätep toruların belderüçe Mao “Bu oçraqlar din iregenä xörmät belän qarawın alğa sörgän Könbatış säyäsätçeläreneñ ikeyözlelegen kürsätä” dide.

Qıtay tışqı êşlär ministrlığı süzçese Mao Nin Qıtaynıñ śivilizaśiyälär arasında dialognı yaqlawın, möselmannarnıñ häm başqa dini törkemnärneñ ışanu iregen yaqlaw öçen İslam illäre belän êşläwne däwam itäçägen assızıqladı.