"Şveŝiyane İslam doşmanı itep kürsättelär"

Şveŝiya prem’yer-ministrı Ul’f Kristersson säyäsi partiya liderları belän matbuğatqa yabıq bularaq ütkärgän söyläşüdän soñ ilendä separatist PKK/YPG terror oyışması tarafdarları başlatqan Türkiyägä qarşı provokaŝiyalär, Qor’än-i Kärimneñ yandırıluı häm Şveŝiyaneñ NATOğa äğzalek barışı belän bäyle açıqlaw yasadı.

Soñğı berniçä atnada başqala Stokgol’mda barlıqqa kilgän waqıyğalarnıñ Şveŝiya iminlegen ni qadär butalçıq xälgä kiterüen kürsätüen äytkän Kristersson tübändägeçä däwam itte: “Türkiyä ilbaşı Räcäp Tayyip Ärdoğanğa oxşatılğan ber kuklanıñ ayağınnan asıluın häm annarı Türkiyäneñ Stokgol’mdağı ilçelege aldında Qor’än-i Kärimneñ yandırıluın kürdek. Şveŝiyadä soñğı berniçä atna buyı qanuni buluına qaramastan keçkenä törkemnär häm şäxeslär oyıştırğan çaralar yalğan mäğlümat kampaniyasenä äylände. Şveŝiyane İslam doşmanı kebek kürsätte. Monıñ Şveŝiyaneñ dön’yadağı imidjı häm çit illärdäge Şveŝiya watandaşlarınıñ iminlege öçen niçek risklı häm awır näticälär tudıra alaçağın kürdek.”

Kristersson älege çaralarnıñ Şveŝiyağa qarşı çığuçılarnıñ êşenä yarawın belderep, bu çaralarnı oyıştıruçılarnı “uñaylı axmaqlar” dip bäyäläde.