Sälamät yäşäw xäter yuğaltunı äkrenäytä

Qıtaynıñ “CGTN” xäbär kanalı citkergänçä, Qıtay Milli psixik häm nerv awıruları üzäge häm başqa sälamätlek saqlaw belemnäre institutları tikşerenüçeläre normal’ tanıp belü sälätenä iyä kim digändä 60 yäşendäge häm 49% xatın-qız bulğan 29 meñ keşene 10 yıl buyı küzätte.

2009nçı yılda tikşerenüneñ başlangıçında qatnaşuçılarğa törle xäter funkśiyäläre häm Al’śgeymer testları yasaldı.

Testlarda qatnaşuçılarnıñ yaqınça 20%ınıñ Al’śgeymer risk genın yörtüe kürende.

2012, 2014, 2016 häm 2019nçı yıllarda bäyälängän qatnaşuçılar sälamät tuqlanu, daimi fizik künegülär, aktiv sośial’ mönäsäbätlär, aktiv tanıp belü êşçänlege, tämäke tartmaw häm hiç alkogol’ qullanmaw şartına iyä 6 sälamät yäşäw ısulı faktorı qısalarında analizlände.

10 yıllıq küzätü êçendä 7 meñ 164 qatnaşuçı ülgän häm 3 meñ 567 keşe isä törle säbäplär arqasında tikşerenüdän ayırılğan.

Tikşerenüdä yaraşlı häm urtaça yäşäw räweşlärenä iyä qatnaşuçılarnıñ al’śgeymer risk genın yörtsälär dä xätta tiskäre yäşäw räweşlärenä iyä qatnaşuçılarğa qarağanda tağın da äkrenräk xäter yuğaltuın yäşäwe kürengän.

Xätergä iñ uñay yoğıntı yasawçı faktornıñ sälamät tuqlanu buluı belderelde.

Ayıruça aktiv tanıp belü êşçänlege, daimi fizik künegülär, aktiv sośial’ mönäsäbätlär, tämäke tartmaw häm spirtlı êçemleklärne bötenläy qullanmawnıñ xätergä uñay täêsir itüe bilgelände.

Tikşerenü "British Medical Journal" isemle jurnalda basıldı.