Paqıstanda mäçettä qurqınıç şartlaw

Paqıstannıñ Xayber-Paxtunxva töbägendä mäçettä bulğan canlı bomba höcümendä 28 keşeneñ ğomere özelde. Alar arasında poliśiyä xezmätkärläre dä bar. Şartlawda 150dän artıq keşe yaralana. Wäqalätlelär alarnıñ 10sınıñ xäleneñ awır buluın belderde.

Milli matbuğattağı xäbärlärgä qarağanda, waqıyğa töşke namaz waqıtında bula.

Sośial’ mediada çıqqan videolarda mäçetneñ zur öleşeneñ şartlaw arqasında cimerelüe kürenä.

Höcüm öçen cawaplılıqnı älegä üz östenä aluçı bulmadı.

Sonğı waqıtta Paqıstan Talibanı (TTP) höcümnären arttırdı. Oyışma 28nçe noyabr’dä sośial’ media aşa İslamabad idaräse belän başlanğan utnı tuqtatunıñ tögällänüen häm äğ’zalarına il külämendä iminlek köçlärenä höcüm ämere birüen citkerde.  

Paqıstan TTPnı terrorçı oyışma bularaq qabul itä.

İldä uzğan yıl 506 terrıorçı höcümendä 601 keşeneñ ğomere özelde. Alarnıñ 290ı - iminlek xezmätkäre, 311e - grajdanlı. Älege höcümnärdä 741 keşe yaralandı.  

Paqıstanda 2022nçe yılda terrorçı höcümnär, annan aldağı yıl belän çağıştırğanda, 15%qa arttı.