Okean temperaturası rekord däräcädä arttı

Uzğan yıl okean temperaturası dön’ya külämendä iñ yuğarı däräcägä citte.

“Guardian” gazetınıñ xäbärenä qarağanda, bik küp fän ähellärennän toruçı törkem uzdırğan tikşerenülärdä keşe belän bäyle qaldıqlardan barlıqqa kilüçe cılılıqnı señderüçe okeannarnıñ 2022nçe yılda rekord temperaturağa citüe açıqlandı. Monıñ klimat sistemasında tirän üzgäreşlärgä kiterüe belderelde.  

Amerika Quşma Ştatlarınıñ San-Tomas universitetınnan professor Djon Abraxam global’ cılınunıñ 90%tan kübrägeneñ okeannarğa kitüen belderä. Okennarnıñ cılınuı arqasında tağın da êkstremal’ hawa şartlarına duçar bulabız. Monıñ böten dön’yada qurqınıç täêsirläre bar,”- di belgeç.    

Tikşerenüdän kürengänçä, 1958nçe yıldan birle terkälgän kürsätkeçlär 1990nçı yıldan başlap cılınunıñ tizlänüe belän okean temperaturalarında ähämiyätle külämdä artu barlığın dälilli. Tın häm Atlantik okeannardağı köçle cılınu belän bergä Tön’yaq yarımşarda rekord däräcädä cılı hawa dulqınnarı häm qorılıq oçraqları kübäyüe citkerelde.

Bötendön’ya meteorologiyä oyışması oktyabr’ ayında barlıq parnik gazlarınıñ atmosferadağı konśentraśiyäseneñ rekord däräcägä citüen xäbär itte.