"Soñğı 8 atnada Kovid-19 arqasında 170 meñnän artıq keşeneñ ğomere özelde"
Bu xaqta Bötendön’ya sälamätlek saqlaw oyışması ğomum direktorı Tedros Adanom Gebreisus belderde
Bötendön’ya sälamätlek saqlaw oyışması ğomum direktorı Tedros Adanom Gebreisus soñğı 8 atnada Kovid-19 arqasında 170 meñnän artıq keşeneñ ğomere özelüen belderde.
Ul dekabr’ başınnan koronavirustan ülemnärdä artu buluına basım yasap, “Soñğı 8 atnada Kovid-19dan 170 meñnän artıq keşe ülde, bolar xäbär itelgän sannar, faktik sannar annan kübräk” dide.
Tedros Adanom Gebreisus äytüençä, bu atnada Kovid-19 ğadättän tış xällär komitetı virus belän bäyle wäzğıyät’neñ global’ ğadättän tış xäl täşkil itep itmäwe turında söyläşü öçen cıyılaçaq.
"Bu virusqa citdi qararğa kiräk, ul bezne ğacäpländerde häm ğacäpländerüne däwam itäçäk. Ägär dä bez mediśina kiräk-yaraqların moxtaclarğa cibärmäsäk häm yalğış mäğ’lümatlar belän köräşü öçen kübräk eşlämäsäk virus üterüne däwam itäçäk” dide Bötendön’ya sälamätlek saqlaw oyışması ğomum direktorı Tedros Adanom Gebreisus.
