Saddam Xösäyen yaxtası tikşerenü üzäge buldı
Saddamnıñ ilenä alıp qayta almağan yaxtasında 18 bülmä bar
Ğıyraqnıñ bärep töşerelgän liderı Saddam Xösäyenneñ teläge belän Daniyada şäxsi bularaq dizaynlanğan yaxta Basra şähärendä diñgez tikşerenüläre üzäge bularaq qullanıla.
Saddam iseme belän telgä alınsa da, êlekke lider anda ayaq basmağan. Yaxşta Daniyada 1980dä tözelä başlağan häm ber yıldan soñ tämamlanğan.
Şäxsi yaxta 8 yıl barğan Ğıyraq-İran suğışı häm annarı Farsı qultığı suğışı arqasında Ğıyraqqa kitmägän.
Yaxta soñınnan Saddam Xösäyen tarafınnan ul waqıttağı Soğud Ğaräbstanı patşası Fahd Bin Abdulaziz Al-Suudka büläk itelgän.
Sixerläwçe köymägä ul waqıtta “Kadisiye yaxtası” iseme birelsä dä, xäzer “Farsı cile” yaxtası bularaq belenä.
Êçenä bik qıymmätle mebel’lär urnaştırılğan yaxtada 18 bülmä bar häm 4 qattan tora.
82 metr ozınlıqtağı köymädä çäçtaraş, ximçistka häm berençe yärdäm kürsätü bülmäse dä bar.
Saddamnıñ ilenä alıp qayta almağan yaxtası Basrağa 2010da qayta aldı.
Yaxtada berençe tapqır 2015tä Ğıyraqlı häm alman belgeçläre çınğa aşırğan ber proyekt qısalarında diñgezne tikşerergä çıqtı.
Bügenge köndä ul Diclä häm Färat yılğaları berläşkän Şattülarapta urın ala häm Basra Universitetına bäyle Diñgez fännäre oyışmasınıñ Fänni tikşerenü üzäge bularaq qullanıla.
Yaxta cirle häm çit il turistlar öçen açıq.
