"BayraktarTB2" - dön'ya kön tärtibendä

Türkiyäneñ “Bayraktar TB2” qorallı pilotsız oçu apparatları “MIT Technology Review” jurnalı tarafınnan 2023 nçe yılda yaña yul açqan texnologiyälär arasında kürsätelde.

Bu xaqta “Baykar” şirkäte ğomum mödire Haluk Bayraktar üzeneñ Twitter akkauntında xäbär itte.

 “MIT Technology Review” jurnalınıñ internet säxifäsendä äytelgänçä, “Bayraktar TB2” kebek Türkiyädä êşläp çığarılğan oçqıçlar dronnarnıñ suğıştağı rolen sizelerlek kiñäytte.

Yazmada “Bayraktar TB2” xaqında tübändäge yullar urın ala: “TB2 - äkren oçuçı motorda tuplanğan iñ yaxşı detal’lär cıyılması. Ul säğatenä 138 mil’ tizlekkä ireşä ala häm êlemtä diapazonı yaqınça 186 mil’. “Baykar” 27 säğat’ hawada qala ala dip belderä. Läkin “Bayraktar TB2” cir stanśiyäläre belän video uraqlaşa alğan kameralar belän berläşkändä, qanatlarında yörtä torğan lazer belän idarä itüçe bombalarnı höcüm öçen häm cirdän artilleriya utın yünältü öçen köçle qoralğa äylänä”.