Diananıñ kol'yesın Kardaş'yan aldı
"Atallah Xaçı" kol'yesı 5.25 karatlık almaz taşı belän bizälgän
1935682
Angliya patşası Çarl’z IIIneñ berençe xäläl cefete prinŝessa Diananıñ “Attallah Xaçı” kol’yesın Amerikalı şow yoldızı Kim Kardaş’yan satıp aldı.
Sotbis aukŝion yortı tarafınnan oyıştırılğan “Royal&Noble” isemle aukŝionda patşalıqnıñ qıymmätle äyberläre häm asıltaşları satuğa quyıldı.
Kardaş’yannıñ bu kollekŝiyadä satuğa çıqqan Atallah Xaçı öçen 197 453 dollar tüläwe öyränelde.
5.25 karatlık almaz taşı belän bizälgän kol’yenı çığışı belän Fälästinnän bulğan ingliz êşmäkäre Naim Atallah lyuks asıltaş dizaynerı Garrardtan alğan häm Dianağa büläk itkän ide.
Diana bu kol’yenı qayber xäyriyä çaralarında kide.
Kardaş’yan monnan alda da Êlizabet Teylor, Jaklin Kennedi Onassis kebek tanılğan isemnärneñ bizänü äyberlären satıp alğan ide.
