Şveyśariya Rusiyä basıp alğan töbäklärdän viza qabul itmäyäçäk
Şveyśariya Ukraina häm Gruziyanıñ separatist töbäkläre belän bergä Rusiyä tarafınnan basıp alınğan urınnardan yaña birelgän säyäxät vizaların qabul itmäyäçägen belderde
Şveyśariya xökümäte Awrupa Berlegeneñ 8nçe dekabrdä qabul itkän Rusiyäneñ yawlap alğan Ukraina cirlärennän häm Gruziyanıñ separatist töbäklärennän birelgän Rusiyä yaña säyäxät dokumentlarınıñ viza häm Şengen töbägenä kerü öçen qabul itelmäyäçäge turındağı qararına quşıluın iğ’lan itte.
Şveyśariya Federal’ şurasında qabul itelgän qarar, Awrupa Berlege Şurasına citkerelep, köçenä kerde.
Bu qararnıñ artında Rusiyäneñ basıp alğan Ukraina häm Gruziyanıñ separatist töbäklärendä watandaşlıqqa alu ğamälenä başlaw buluı belderelä.
Awrupa Berlege monı xalıqara xoquq belän här ike ilneñ cir bötenlegen, suverenlığın häm bäysezlegen bozu bularaq kürä.
Şveyśariya sentyabr’ ayında Awrupa Berlegeneñ Rusiyä belän vizanı ciñeläytü kileşüen ğamäldän çığaru qararına da quşılğan ide.
