Kön tärtibendäge töp tema - Äfganstan

İslam xezmättäşlek oyışmasınıñ ğadättän tış başqarma komitetı Türkiyäneñ iniśiativası belän cıyılıp Äfganstandağı xatın - qızlarnıñ wäzğıyäte häm ildäge iq’tisadi krizis xaqında söyläşte.

Soğud Ğaräbstanınıñ Ciddä şähärendä daimi wäkillär däräcäsendä uzğan oçraşuda Äfganstanda sośial’ häm iq’tisadi xälneñ naçarayuına basım yasaldı.

Komitet Äfganstandağı waqıtlıça Taliban xakimiyäten ildä xatın-qızlarnıñ belem aluına häm ictimaği oyışmalarda êşläwenä qağılışlı tıyularnı qabat qararğa çaqırdı.

Komitet şulay uq bu mäs’älä belän bäyle Äfganstanğa ikençe dini ğalimnär delegaśiyäse cibärü qararına kilde.

Cıyılışta xalıqara cämäğat’çelekne äfgan xalqınıñ yäşäw şartların yaxşırtu öçen keçkenä külämle kerem kiterüçe tarmaqlarğa yärdäm itärgä öndädelär.

Äfganstandağı täräqqiyät’lär 16-17 nçe martta Mavritaniya başqalası Nuakşotta uzaçaq İslam xezmättäşlek oyışmasınıñ 49 nçı tışqı êşlär ministrları şurası cıyılışınıñ da kön tärtibendä bulaçaq.