İzrail ministrı Fälästin bayrağın tıydı

İzrailneñ çiktän tış uñçı Milli iminlek ministrı İtamar Ben-Gvir Fälästin bayrağın tıydı. Ul Twitter akkauntında bolay dip yazdı: “Bügen poliśiyägä Fälästin bayrağı yäisä terrorçı oyışması belän assośiyäśiyäläşüçe, İzrail däwlätenä qarşı qotırtuçı älämneñ êlenüen çikläw kürsätmäse birdem”.

“Barlıq köçebez belän terror häm terrorçılıq yanawına qarşı köräşäçäkbez” digän Ben-Gvir şulay itep üzeneñ çiktän tış uñçı qaraşların tormışqa aşıra başladı.

İzrail törmälärendä 40 yılın uzdırğan fälästinle mäxküm Kärim Yunusnıñ 5nçe ğıynvarda irekkä çığuınnan soñ anı Xayfadağı awılı Arada Fälästin bayraqları kütärep tantana belän qarşı aldılar. Şunnan soñ Ben-Gvirnıñ tıyu qararı çıqtı.