İslam xezmättäşlek oyışması çirattan tış cıyıla
İslam xezmättäşlek oyışması İzrailneñ Äl-Äq’sa mäçetendäge bozu oçraqların söyläşü öçen sişämbe könne çirattan tış cıyılış ütkärä
İslam xezmättäşlek oyışmasınnan yasalğan yazmaça belderüendä İzrailneñ yaw astındağı Qodüstä kiyırenkelekne arttıruı häm Äl-Äqsa mäçetenä qarata qat-qat bozularınnan soñ çirattan tış cıyılu qararınıñ qabul itelüe citkerelde.
İslam xezmättäşlek oyışması ğomum sekretariatınıñ şuşı maqsattan çığıp sişämbe könne Başqarma komitetın cıyaçağı belderelde.
Belderüdä Äl-Äqsa mäçete küptän tügel duçar bulğan iñ möhim bozu oçrağınıñ İzrailneñ çiktän tış uñçı Milli iminlek ministrı Itamar Ben-Gvirneñ 3nçe ğıynwarda oyıştırğan basqın buluı iskärtelep uzıldı.
Belderüdä Ben-Gvirneñ mäçetkä bärep kerüeneñ İzrailneñ Äl-Äqsa mäçeteneñ tarixi häm xoquqi statusın üzgärtü êşçänlegeneñ ber öleşe buluına basım yasaldı.
Provokaśion ğamälläre belän tanılğan İzrail Milli İminlek ministrı Itamar Ben-Gvir 3nçe ğıynwarda İzrail poliśiyasınıñ tığız saqlawı astında Äl-Äqsa mäçetenä basqın oyıştırğan ide.
Fälästinlelärgä qarşı rasaçı häm diskriminaśion säyäsätläre belän belengän “Yähüdi köçe” partiyası liderı Ben-Gvir 5 yıldan soñ Äl-Äq’sa mäçetenä kergän wazıyfağı berençe İzrail ministrı bulğan ide.