Tön'yaq Koreya 2023nçe yılnı raketa sınawı belän başladı
İl cirle waqıt belän säğat’ 2 tulıp 50 minut tiräsendä Yapon diñgezenä qısqa distanśiyäle ballistik raketa oçırta
Kön’yaq Koreya häm Yaponiyä Tön’yaq Koreyanıñ 2023nçe yılnıñ täwge säğat’lärendä ballistik raketa sınawı uzdıruın belderde.
Kön’yaq Koreya ğomumştab idaräse citkergänçä, cirle waqıt belän säğat’ 2 tulıp 50 minut tiräsendä Ryonson töbägennän Yapon diñgezenä qısqa distanśiyäle ballistik raketa cibärelgän. Ul hawada 400 çaqrım oçqannan soñ suğa kilep töşkän.
Yaponiyä saqlanu ministrı Xamada Yasukadzu yaqınça 100 çaqrım biyeklekkä mengän raketanıñ Yaponiyä êksklyuziv iq’tisadi töbäge tışına töşüen rasladı.
Yaponiyä xökümäte sınawdan soñ Pekindağı ilçelege yärdämendä Tön’yaq Koreyağa diplomatik protest cibärde.
AQŞnıñ Hind-Tın okean köçläre komandalığı da sınawnıñ Tön’yaq Koreyanıñ qanunsız qoral programmasınıñ totrıqlılıq bozuçı täêsirenä iğ’tibarnı cälep itte.
