Ukraina Somaliğa boday cibärde
Yärdäm Bötendön’ya azıq-tölek programması belän xezmättäşlektä başqarıla
1925566
Ukraina däwlät başlığı apparatı citäkçese Andrey Yermak ozaq waqıt azıq-tölek krizisı belän köräşüçe Somaliga 25 tonna boday cibärülären xäbär itte. Ul älege ilgä yärdäm itüläre turında yazma belderü yasadı.
Yermak äytüençä, aşlıq programmasınıñ ber öleşe bularaq Somaliğa cibärelgän 25 tonna boday Berbera portına barıp citkän. “Bu açlıq işek şaquçı Afrikanıñ xalqına Ukrainadan yärdäm,”-dide ul.
Belderüdä Bötendön’ya azıq-tölek programması belän xezmättäşlektä cibärelgän bodaynıñ logistikasın Finlyandiyä, Yaponiyä häm Franśiyä başqaruı turındağı mäğ’lümat ta citkerelä.
Ukraina sentyabr’dä Somali häm Êfiopiyägä 50 meñ tonna boday belän yärdäm itkän ide.
