Germaniya Rusiyäneñ neft’ êksportın tıyuını sanğa suqmadı
Germaniya iq’tisad häm klimatnı saqlaw ministrlığı süzçese Robert Saverin Rusiyä neftenä maksimal’ bäyä ğamälen ütäwçelärgä Mäskäwneñ neft’ häm neft’ êşlänmälären satunı tıyuınıñ Germaniya iq’tisadı öçen möhimlege bulmawın belderde
1924970
Saverin xökümätneñ atnalıq matbuğat oçraşuında yasağan belderüendä yazdan birle Germaniyanıñ Rusiyä neftennän waz kiçärgä äzerlänüen xäterlätte.
Süzçe Saverin Rusiyäneñ bäyäne çikläw şartın ütäwçelärgä neft’ häm neft’ êşlänmälären satunı tıyuı belän bäyle bularaq: "Ğamäldä monıñ bernindi ähämiyäte yuq,” – dip bäyäläw yasadı.
Rusiyä İlbaşı Vladimir Putin tarafınnan monnan aldağı könne imzalanğan qararnamä belän Rusiyä nefteneñ bäyäsen çikläw şartın ütäwçelärgä neft’ häm neft’ êşlänmälären satu tıyılğan ide.
Awrupa Berlege illäre 2nçe dekabr’dä Rusiyädän diñgez yulı belän taşılğan neft’kä ber miçkä (barrel’) öçen 60 dollar maksimal’ bäyä şartı mäs’äläsendä kileşügä ireşkän ide.
