Kön’yaq Koreyanıñ keşesez hawa apparatı adımı

Kön’yaq Koreya İlbaşı Yoon Suk-yeol Tön’yaq Koreyanıñ 5 keşesez hawa apparatınıñ Kön’yaqnıñ hawa kiñlegen bozuı häm bolarğa qarşı ütkärelgän operaśiyälärneñ uñışsızlıqqa duçar buluınnan soñ qorallı köçlärneñ küzläw häm küzätü mömkinleklären qamilläşterü süzen birde.

Ministrlar Şurası cıyılışında çığış yasawçı Yoon Tön’yaq Koreyağa bäyle keşesez hawa apparatlarınıñ Kön’yaqnıñ hawa kiñlegen bozuın bäyäläde.

Yoon qorallı köçlärneñ xärbi äzerlek däräcäse belän öyränü torışında “citdi kimçeleklär” kürsätüen häm saqlanu säläteneñ motlaq räweştä nığıtıluınıñ zarurlığın iskärtep uzdı.

Tön’yaq Koreyanıñ möhim xärbi qorılmaların küzläw häm küzätü operaśiyälären ütkärü öçen keşesez hawa apparatı bülegen tözüne planlaştıruların belderüçe Yoon: "Kiçäge waqıyğadan soñ keşesez hawa apparatları bülegeneñ tözelü barışın mömkin qadär alğa alaçaqbız,” – dip açıqladı.

Yoon: "Küzläw häm küzätü mömkinleklärebezne qamilläşterelgän keşesez hawa apparatları belän köçäytäçäkbez,” – dide.

Kön’yaq Koreya kiçä Tön’yaq Koreyağa bäyle 5 keşesez hawa apparatınıñ hawa kiñlegen bozuın häm bolardan berseneñ başqala Seulgä qadär oçıp citüen açıqlağan ide.

Kön’yaq Koreya ğaskäreneñ xärbi oçqıçların oçırtıp, boralaqlardan yaqınça 100 atunıñ yasaluına qaramastan keşesez hawa apparatlarınıñ bärep töşerelä alınmawı, operaśiyada qatnaşqan "KA-1" törendäge xärbi oçqıçlardan berseneñ kilep töşüe, fäqät oçuçılarnıñ cäräxätlänmiçä isän qaluı belderelgän ide.

Yäşängän waqıyğadan soñ yasalğan belderüdä Tön’yaq yağınıñ provokaśiyälärenä “kisken häm tiyışle” cawapnıñ bireläçägenä basım yasalğan ide.