Salqın hawa torışı tormış şartlarına tiskäre yoğıntı yasıy
AQŞta, Kanada häm Yaponiyädä salqın hawa , buran küzätelä
Amerika Quşma Ştatlarınıñ öçtän ike öleşendä salqın hawa torışı küzätelä.
200 millionnan artıq amerikalı buran belän köräşä.
13 ştatta ğadättän tış xäl iğ’lan itelgän.
Qayber töbäklärdä hawa temperaturası -45%qa qadär töşkän.
Buran arqasında maşinalar yullarda qalğan.
Räsmi belderü älegä yasalmadı, läkin AQŞ matbuğatı köçle salqınnar arqasında il külämendä 26 keşeneñ ğomeren yuğaltuı turında yazdı.
Yaqınça 100 meñ yort äle dä êlektrsız. Neft’ skvajinaları tuñğan.
Naçar hawa torışı arqasında 8 meñnän artıq oçış ğamäldän çığarılğan. 25 meñnän artq reysta kiçegülär bulğan.
Zämhärir salqın Floridağa da barıp citkän.
Şaqtıy töbäktä bügennän hawa temperaturası sezon normalarına qaytır dip kötelä.
Kanadada da köçle cil häm qar yawu küzätelä.
İl külämendä êlektr ênergiyäse birüdä özekleklär bar. Poyezd säfärläre totqarlanğan. Torontoda küp sanda reys ğamäldän çığarılğan. Meñlägan keşe aêoportlarda oçqıçlarınıñ oçuın kötä.
Yaponiyädä salqın hawa şartları arqasında 14 keşeneñ ğomere özelgän, 87 keşe cäräxätlängän.
Qayber şähärlärdä yul xäräkäte tuqtap qalğan,yaqınça 2000 gä yaqın ğailä êlektrsız qalğan.
Yullar yabıq häm poyezd säfärläre tuqtağan.
