Tön’yaq Koreya ballistik raketa cibärgän
Yapon xökümäte häm Kön’yaq Koreya ğomum ştab räislege Tön’yaq Koreyanıñ ballistik raketa sınawların ütkärüen citkerde
Yaponiya saqlanu ministrlığınnan yasalğan belderüdä Tön’yaq Koreyanıñ ballistik raketalarınıñ Yaponiyanıñ maxsus iq’tisad töbägennän çittä kilep töşüe äytelde.
Ministrlar Kabinetı ofisınıñ krizis idarä üzägendä bäyläneşle ministrlıq häm agentlıq räsmiläre aşığıç räweştä cıyıldı.
Yaponiya yar buyı iminlege (Kaiho) belderüendä raketa kilep töşkän töbäktä xäräkät itkän hawa häm diñgez transportında zıyannıñ bilgelänmäwe citkerelde.
Yapon däwlät televideniyäse NHK beldergänçä, Pxen’yan citäkçelege bıyıl 36 sınawda törle radiuslarda raketa oçırtqan.
Kön’yaq Koreya ğomum ştab räislegennän yasalğan belderüdä dä Tön’yaq Koreyanıñ Sunan töbägennän cirle waqıt belän säğät 16.32dä ike qısqa ballistik raketanı Yapon diñgeze yünäleşendä cibärüe iskärtelep uzıldı.
