Parijda bügenge waqıyğada ülüçelär sanı arttı
Parijda 70 yäş’lärendäge beräw tirä-yün’gä ut açıp kimendä 3 keşene üterde
Franśiyä başqalası Parijda 70 yäş’lärendäge beräw tirä-yün’gä ut açıp kimendä 3 keşene üterde, 4sen yaraladı. Waqıyğa 10nçı rayondağı Êngiyen uramında bula.
Parij poliśiyä idaräsennän belderülärençä, höcüm bulğan urında ber keşe qulğa alınğan. Qotqaru törkemnäreneñ êşçänlege häm qurqınıçsızlıq yözennän waqıyğa urının buşatırğa çaqırdılar.
Höcümneñ älegä nindi maqsat belän yasaluına qağılışlı räsmi belderü bulmadı. Tikşerü baruı äytelde.
Cirle matbuğatta höcümçeneñ Franśiyäneñ timer yulı şirkätennän layıqlı yalğa çıqqan watandaş buluı citkerelä. Xäbärlärgä qarağanda, ul monnan alda da 2 tapqır keşe üterügä omtıluı öçen xökemgä tartılğan. 2021nçe yılnıñ 12nçe noyabrendä älege şäxes qulına qılıç totıp Parijda ber möhacir lagerena höcüm itkän häm 2 keşegä zarar birgän.
