Çili urman yanğınnarı belän köräşä
Ut yalqınnarı belän 800 yanğın sünderüçe häm 150 saqçı köräşä
Kön’yaq Amerika ile Çilida küzätelüçe êsselär arqasında urman yanğınnarı arta bara.
İlneñ urta töbägendäge Valparaiso töbägeneñ Vina del Mar şähärendä däwam itüçe yanğınnar köçle cilneñ täêsire belän barıp citkän toraq punktlarında faciğağa kiterde.
Şähärneñ yanğın sünderü räsmi zatı Patrisio Brito yanğınnarda 2 keşeneñ yaqtı dön’yadan kitüen, 400 öyneñ yanuın açıqladı.
Çili prezidentı Gabriel’ Boric yanğın arqasında Valparaiso töbägendä ğadättän tış xäl iğlan itte.
Boric açıqlaw yasap: “Çili xökümäte bularaq östenlegebez – xalıq iminlege. Wazğıyät’ne kontrol’ astına alu öçen kiräkle barlıq çığanaqlarnı mobilizaŝiyalärgä däwam itäçäkbez,” – dide.
Yanğın 110 gektarlık mäydannı kölgä äyländerde, qayber mäxällälär öçen êvakuaŝiya boyırığı birelde.
Ut yalqınnarın sünderüneñ berniçä kön bara alaçağı citkerelde.
Ut yalqınnarı belän 800 yanğın sünderüçe häm 150 saqçı köräşä.
