“Bu barı tik bäreleş waqıtın ozınaytaçaq"

Rusiyä Federaŝiyase däwlät başlığı Vladimir Putin Amerika Quşma Ştatlarınıñ Ukrainağa Patriot hawa saqlanu sistemaların yuqqa cibäräçägen äytep: “Bu barı tik bäreleş waqıtın ozınaytaçaq,” – dide.

Putin Kreml’da rus jurnalistlarnıñ kön tärtibe belän bäyle sorawlarına cawap birde.

Könbatış illäreneñ Rusiyä nefte häm tabiğıy gazına qarağan iñ yuğarı bäyä ğamällärenä reakŝiya beldergän Putin: “Êşläre kolonializmğa äylänä. Qaraqlıqqa häm urlarğa iyäläşkännär. Awrupa iqtisadlarınıñ kübese qol säwdäse, Afrika, Aziya häm Latin Amerikanı talaw belän üste,” – dide.

Yuğarı bäyä ğamäleneñ Rusiyä iqtisadına täêsir itmäyäçägen assızıqlağan Putin bolay dip däwam itte: “Bu barı tik bäyälärne idari räweştä tärtipkä kiterügä qarağan kereşü. Neft’ ölkäsendä bulğanı kebek gaz ölkäsendä dä yaxşı närsälärgä kitermäyäçäk.”

Putin Rusiyäneñ Ukraina aşa tabiğıy gaz qudıru öçen Ukrainağa tülärgä däwam itüen citkerep: “Bezgä höcümçe dilär läkin gaznı qudıru öçen bezdän aqça alırğa däwam itälär,” – dide.

AQŞ Ukrainağa cibäräçäk Patriot hawa saqlanu sistemalarına tuqtalğan Rusiyä liderı tübändägeçä citkerde: “İske sistema häm bezneñ S-300 kebek tügel. Bolarnıñ saqlanu qoralları buluın äytälär, bez dä şulay diik. Ul waqıtta çarası da tabılır. Monı yuqqa yasıylar çönki bäreleş waqıtın ğına ozınaytaçaq.”

Rusiyä häm Ukraina arasındağı söyläşülärgä tuqtalğan Putin söyläşülär yaqlı buluların assızıqlap: “Barlıq qorallı bäreleşlär barıber diplomatiya yulı aşa söyläşülär belän azağına yaqınlaşa. Söyläşülärdän waz kiçmädek. Ukraina citäkçelege üzenä söyläşüne tıydı,” – dide.