"AQŞtan yaxşı näticälär belän kitäbez"
Zelenskiy Telegramda videolı yullama belän xalqına möräcäğat’ itte
Ukraina prezidentı Vladimir Zelenskiy Amerika Quşma Ştatlarındağı söyläşülär xaqında: “Vaşingtonnan kitäbez, yaxşı näticälär belän qaytabız,” – dide.
Zelenskiy AQŞqa säfärennän soñ ilenä qaytqan waqıtta Telegramda videolı yullama belän xalqına möräcäğat’ itte.
“Vaşingtonnan kitäbez, yaxşı näticälär belän qaytabız. Çınnan da bezgä yärdämçe bulaçaq närsälär belän,” – dide ul.
Patriot hawa saqlanu sistemalarınıñ Ukraina öçen däwlät häm xalıqnıñ imindä buluın añlatuın citkgerän Ukraina liderı tübändägeçä däwam itte: “Ukraina öçen bu problema çişelde. Matdi yärdäm dä bar. Qalğan kileşülär dä bar, alar xaqında soñraq söyläşäçäkbez.”
Ukraina prezidentı Amerika Quşma Ştatlarına säfärennän soñ ilenä qaytqançı Pol’şada xezmättäşe Andjey Duda belän dä küreşüen äytep: “Äzerlänäbez, urtaq köçlärebezne nığıtabız,” - dide.
