Zelenskiy AQşqa säfär yasıy
Ul Kongressta çığış yasayaçaq
Ukraina däwlät başlığı Volodimir Zelenskiy bügen Amerika Quşma Ştatlarına säfär yasıy.
Aq Yort süzçese Karin Jan – P’yernıñ yazma belderüendä äytelgänçä, AQŞ ilbaşı Djo Bayden ileneñ Ukrainağa daimi tuğrı buluına basım yasaw öçen Zelenskiynı Vaşingtonğa çaqırdı.
”İlbaşı Bayden bügen - 21 nçe dekabr’dä Zelenskiynı Aq Yortta qarşı alınu tüzemsezlek belän kötä “ diyelä belderüdä.
Kongresstağı ike partiyäneñ dä (Cömhüriyätçelär häm demokratlar) Ukrainağa yärdämnären assızıqlaw öçen Zelenskiy urtaq utırışta Kongress äğ’zalarına möräcäğät’ itäçäk.
Volodimir Zelenskiy AQŞqa säfäre xaqında Twitter akkauntında bolay dip yazdı:” Min Ukrainanıñ totrıqlılığın häm saqlanu potenśialın nığıtu öçen AQŞ qa kittem. İlbaşı Djo Bayden belän AQŞ häm Ukraina arasındağı xezmättäşlekne söyläşäçäkbez. Kongressta çığış yasayaçaqmın häm ike yaqlı söyläşülär ütkäräçäkmen”.
Zelenskiy suğış başlanğannan birle berençe tapqır çit ilgä säfär yasıy.
