Tön’yaq Koreya Yaponiyanı kisätkän

“Yonhap” agentlığı xäbär itkänçä, Tön’yaq Koreya Tışqı êşlär ministrlığınnan yasalğan belderüdä Yaponiyanıñ, başqa illärgä qarşı höcüm säyäsäten qabul itep, töbäk öçen citdi iminlek qurqınıçın buldıruı äytelde.

Belderüdä Yaponiyanıñ yaña iminlek säyäsäte belän Könçığış Aziyadağı iminlek şartlarınıñ tamırdan üzgärüe häm Yaponiyanıñ yalğış häm bik qurqınıç saylaw yasawı citkerelep, Tön’yaq Koreyanıñ bu strategiyağa qarşı tağın da köçleräk xärbi çaralar küräçäge iskärtelep uzıldı.

Yaponiyanıñ yaña iminlek säyäsäte bulğan doşman bazaların bärü sälätenä iyä strategiyağa uzuı xökem itelgän belderüdä: "Yaponiyanıñ ğadelsez häm artıq ambiśiyäle adımına cawap bularaq Tön’yaq Koreya ğamäli xäräkättän ni qadär borçılğanın häm qanäğät bulmağanın kürsätergä däwam itäçäk”, - dip äytelde.

Yaponiya 16nçı dekabr’dä, İkençe Bötendönya suğışınnan soñ alıp barğan iminlek säyäsätlärenä üzgäreşlär kertep, doşman bazaların bärä alu sälätenä iyä bulğan strategiyağa küçkän ide.

Qıtaynıñ Tın okeanında arttırğan xärbi kiñäyüe belän Tön’yaq Koreyanıñ atom-töş häm raketa programmaları belän bergä regional’ yanawlar aldında Yaponiya saqlanu säyäsätenä üzgäreşlär kertergä bula.

Yañartılğan saqlanu säyäsätlärenä kürä, Qıtay – iñ zur strategik problema, Tön’yaq Koreya isä êlekkegä qarağanda tağın da citdiräk häm tağın da yaqın yanaw bularaq bäyälängän ide.

Strategiyağa kürä, aşığıç xällärdä Yaponiya höcümnärne totqarlaw maqsatınnan çığıp başqa ilneñ cirlärenä turıdan-turı qarşı höcüm yasaw mömkinlege bulğan xärbi sälätkä iyä bula alaçaq.