Tön’yaq Koreya şımçı iyärçenen oçırtuda soñğı êtapta

Tön’yaq Koreyanıñ “KCNA” xäbär agentlığı sınap qaraw belän bäyle xäbärendä test iyärçenennän töşerelgän häm Kön’yaq Koreya başqalası Seulneñ häm Inçeon şähäreneñ ğalämnän küreneşen kürsätüçe tübän çişeleşle aqlı-qaralı fotosürätlärne bastırdı.

Test iyärçene belän fotosürät häm mäğ’lümat citkerü sistemalarınıñ bäyäläneläçäge belderelde.

Tön’yaq Koreyanıñ Milli aviaśiya häm ğaläm üsterü idaräse test iyärçene belän ütkärelgän sınaw näticälären şımçı iyärçenen qamilläşterü maqsatınnan çığıp yasalğan sınap qarawlardağı soñğı êtap cähätennän möhim uñış bularaq bäyäläde.

KCNAğa kürä, ilneñ berençe şımçı iyärçene öçen äzerleklär 2023nçe yılnıñ aprel’ ayına qadär tämamlanaçaq.

Yaponiya xökümäte häm Kön’yaq Koreya ğomum ştab räislege 18nçe dekabr’dä Tön’yaq Koreyanıñ ike balistik raketa sınawın ütkärüen citkergän ide.

Pxen’yan citäkçelegeneñ 2022nçe yıl başınnan birle Berläşkän Millätlär Oyışması qararların bozıp 35 sınawda törle radiuslarda 60tan kübräk raketa oçırtuı belenä.

Şımçı iyärçen Tön’yaq Koreya liderı Kim Jong-unnıñ 2021nçe yıl başında partiya cıyılışında tormışqa aşırırğa planlaştıruların iğ’lan itkän xärbi texnologiya êşlänmäläre arasında kürsätelgän ide. Bolar arasında küp maqsatlı raketa, qatı yağulıqlı ozın radiuslı raketa, su astınnan oçırtılğan atom-töş raketası häm atom-töş ênergiyası belän êşläwçe suastı köymäläre bar.