Rus ğaskärläreneñ yıl axırına qadär Ukrainadan çığuı mömkinme?

Rusiyä däwlät başlığı sarayı Kreml’ wäkile Dmitriy Peskov rus ğaskärläreneñ yıl axırına qadär Ukrainadan çığu mömkinlege turında süz barmawın äytte. Ul Ukraina ilbaşı Volodimir Zelenskiynıñ Rusiyäne xärbilären Yaña yılğa qadär çigenderü çaqıruına jurnalistlar qarşında cawap birde. Peskov älege xälneñ mömkin tügellegen iskärtep, solıx söyläşüläre öçen Ukrainanıñ çınbarlıqlarnı qabul itärgä tiyeşlegen äytte.

“Bu çınbarlıq Rusiyägä yaña territoriyälärneñ quşıluın kürsätä. Bu çınbarlıqnı küz uñında totmıyça çişeleş prośessında alğa kiteş täêmin itü mömkin tügel,”-dip söyläde Kreml’ süzçese.