Putinnıñ yıl sayın uzdırıla torğan zur matbuğat oçraşuı bıyıl bulmayaçaq
Bu xaqta Kreml’ süzçese Dmitriy Peskov xäbär itä
Rusiya ilbaşı Vladimir Putin soñğı 10 yıl êçendä özleksez ütkärgän yıl azağı matbuğat oçraşuın bıyıl uzdırmayaçaq.
Kreml’ süzçese Dmitriy Peskov beldergänçä, Putinnıñ yıl sayın uzdırıla torğan zur matbuğat konferenśiyäse Yaña yılğa qadär bulmayaçaq.
“Bez ilbaşı şulay da jurnalistlar belän aralaşırğa mömkinlek tabar dip uylıybız, şul isäptän çit illärgä säfärläre waqıtında da daimi şulay êşli”,- dide Peskov.
Matbuğat oçraşuı kiläse yılğa kiçekterelsä Putin üze xakimiyättä bulğanda ikençe tapqır bu çaranı ütkärmägän bulıp çığa.
Tradiśion räweştä 2001 nçe yıldan alıp här yılnıñ dekabrendä yıllıq matbuğat oçraşuı ütkärgän Putin bu konferenśiyäne berençe tapqır 2005 nçe yılda ütkärmäde.
2009-2011 nçe yıllarda prem’yer-ministr bulğanğa bu oçraşularnı ütkärmägän Vladimir Putin êpidemiya arqasında 2020 nçe yılda onlayn rejimda konferenśiyädä qatnaşıp jurnalistlarnıñ sorawlarına cawap birgän ide.
