"Bez öç yaqlı memorandum şartlarına bik citdi qarıybız"

Şveśiya prem’yer-ministrı Ul’f Kristersson 28 nçe iyün’dä Şveśiya, Türkiyä häm Finlyandiya arasında imzalanğan öç yaqlı memorandum şartlarına bik citdi qarawların belderde.

Ul matbuğat oçraşuında ileneñ yaña saqlanu säyäsätendä iñ möhim maddäneñ NATO äğ’zalığı buluın äytte.

Kristersson NATOğa äğ’za bulırğa telägännären qabatlap :” Bez 28 nçe iyün’dä Şveśiya, Türkiyä häm Finlyandiya arasında NATOğa kerü öçen imzalanğan öç yaqlı memorandum şartlarına bik citdi qarıybız häm söyläşülärne şundıy uq citdilek belän däwam itäbez. Bu mäs’älä xaqında Finlyandiya prem’yer-ministrı Sanna Marin belän dä yış söyläşäbez”,- dide.

Şveśiya prem’yer-ministrı Ul’f Kristersson ike atna êlek Türkiyädän kilgän wäkillekneñ Şveśiya häm Finlyandiya delegaśiyälare belän Stokgol’mda näticäle oçraşu ütkärüe turında da äytte.