AQŞta utlı qoraldan ülemnär artqan
Bu nisbättän il sonğı 32 yılnıñ iñ yuğarı kürsätkeçlärenä ireşte
AQŞta utlı qoral belän bäyle ülemnärneñ 2021nçe yılda sonğı 32 yılnıñ iñ yuğarı kürsätkeçlärenä ireşüe açıqlandı.
Garvard universitetı belgeçläre şäxsi qorallanu tizlängän ildä qoral arqasındağı ülemnärneñ tulayım üterülär êçendäge öleşen tikşerde. Annan kürengänçä, AQŞta 32 yıl êçendä 1 millionnan artıq qorallı ülem terkälgän. Atıp üterelüçelärneñ yaqınça 14%ı xatın-qızlar.
Utlı qoral yärdämendä üz-üzenä qul saluçılarnıñ sanı 2015nçe yıldan birle ike tapqırdan da kübräk artqan.
Belgeçlär AQŞta xalıq sanı üskän sayın, qorallı ülem däräcäseneñ dä kütärelüen belderä.
Koronavirus kizüe çorında 2019nçı-2021nçe yıllar arasında utlı qoral belän bäyle ülemnär 20%qa arta. Tikşerenüdä qatnaşqan doktor Êrik Fliger monı keşelärneñ aqıl sälamätlege bozılu, êş häm şäxsi tormışlarında artqa kiteş belän bäyle buluın farazlıy.
Bäyläneşle xäbärlär
BMO ğomum särqatibe yaqlar mäxkämä qararın tiyeşençä ütäyäçäk dip sanıy
Xalıqara mäxkämä İzrailneñ Ğazzägä höcümnären tiz arada tuqtatu qararı qabul itte
