"Äfganstanda 6 million keşegä azıq-tölek citmäw qurqınıçı yanıy"
Bu xaqta BMO wäkile belderä
Äfganstanda 6 million keşegä azıq-tölek citmäw qurqınıçı yanıy.
Bu xaqta Berläşkän Millätlär Oyışması ğomum särqätibeneñ Äfganstan maxsus wäkile urınbasarı Ramiz Alakbarov belderä.
Alakbarov äytüençä, qışın Äfganstannıñ qayber öleşlärendä temperatura -25 gradusqa qadär töşä.
”Qışqa äzerlek êşçänlekläre öçen 768 million dollar häm yıl betkänçe 614 million dollar kiräk”,- dide BMO wäkile.
Ramiz Alakbarov ildä 6 million keşegä aşığıç däräcädä azıq-tölek citmäw qurqınıçı yanawın, 2023 nçe yılda il xalqınıñ öçtän ike öleşeneñ (28 million) gumanitar yärdämgä moxtac bulaçağın asszıqladı.
Taliban Äfganstanda 2021 nçe yılnıñ 15 nçe avgustında xakimiyätkä kilgäç il iq’tisadı xalıqara finans yärdämeneñ özelüe arqasında bik nıq zarar kürde, xatın - qızlar, qız balalar bik küp xoquqlardan, şul isäptän belem aludan mäxrüm iteldelär.
Meñlägän xatın-qız däwlät oyışmalarında häm şäxsi tarmaqta êşsez qaldı.
