Yaponiya belän Mongoliyadan Tön’yaq Koreyağa çaqıru
Yaponiya häm Mongoliya liderları raketa sınawları häm atom-töş programması belän yanaw täşkil itüçe Tön’yaq Koreyanı bu êşçänlekne tuqtatırğa çaqırdı
Yaponiya başqalası Tokioğa kilgän Mongoliya İlbaşı Ukhnaa Khurelsukh Yaponiya Baş ministrı Kişida Fumio belän söyläşüe waqıtında ike yaqlı häm regional’ mönäsäbätlärne tikşerde.
Söyläşüdän soñ basılğan urtaq beldergedä Kişida häm Khurelsukh Tön’yaq Koreya citäkçelegen raketa sınawların häm atom-töş programmasın tuqtatırğa çaqırdı.
Liderlar Tön’yaq-könçığış Aziyanıñ tınıçlığı häm totrıqlılığı öçen Pxen’yan citäkçelegennän Berläşkän Millätlär Oyışması İminlek şurası qararlarına "ahäñ buldıruı”n teläde.
Beldergedä ike il Tön’yaq Koreyanıñ saq astına aluı alğa sörelgän "yapon watandaşlarınıñ" ilgä kire cibärelüe problemasınıñ “tiz xäl itelüen” dä taläp itte.
Mongoliyanıñ Tön’yaq Koreya belän diplomatik mönäsäbäte yuq.
"Saq astına alınğan yaponnar” problemasında Tokio xökümäte Mongoliyanı “möhim aradaşçı” bularaq kürä.
Tön’yaq Koreya citäkçelegeneñ 2022nçe yıl başınnan birle törle radiuslarda 30dan kübräk raketa sınawın ütkärüe belenä.
