Serbiyä belän Kosovo arasındağı maşina nomerı krizisı

Serbiyä belän Kosovo maşina nomerları säbäple barlıqqa kilgän krizistağı kiyerenkelekne töşerü häm mönäsäbätlärne cayğa salu öçen kileşügä bardı. Bu xaqta Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrel sośial’ media aşa xäbär itte. Ul birgän mäğ’lümatqa qarağanda, Serbiyä Kosova şähärläreneñ simvolları belän maşina nomerları birüne, Kosovo isä maşinalarnı qabat liśenziyäläwne tuqtataçaq.

Moña qadär Serbiyä Kocovodağı serblar öçen nomer çığara ide. Kocovo xökümäte isä pänceşämbedän başlap Serbiyä birgän nomerlarnı qullanuçılarğa ştraf salırğa planlaştıra ide. Andıylarnıñ 10 meñ tiräse buluı uylanıla.

Serbiyä 2008nçe yılda ber’yaqlı bularaq bäysezlegen iğ’lan itkän Kosovonı üz territoriyäse sanıy.