"Bu qışın keşelär isän qalu öçen köräşäçäk"

Äfğanstanda bu qışın tağın da kübräk keşe isän qalu öçen tırışlıq quyaçaq.  Qızıl Xaçnıñ operaśiyälär mödire Martin Şupp yaqınlaşuçı yıl fasılınıñ awır ütäçägen iskärtep bolay di: “İq’tisadi qıyınlıqlar bar. Bu bik citdi wäzğıyät’. Keşelär isän qalu öçen köräşäçäk”.

Xalıqara Qızıl xaç komitetı wäkile bäyälärneñ törle säbäplär arqasında üsüen añlattı. “Torğan sayın tağın da kübräk äfğanlınıñ kön itü öçen öy äyberlären satarğa mäcbür buluın, ber yaqtan cılınu öçen materiallar alu zarurlığı, ikençe yaqtan azıq-tölek häm başqa könküreş tovarlarınıñ artqan bäyäläre belän oçraşularına şahit bulabız,”-di ul.

Wäqalätle sankśiyälärneñ ilgä yärdäm häm kiräkle tovarlarnı waqıtında kertü öçen awırlıq tudıruın äytä. Xalıqara Qızıl xaç komitetı şikelle oyışmalarnıñ êşçänlegen däwam itä aluı öçen barlıq sankśiyälärneñ gumanitar taşlamalarğa iyä buluı ähämiyätle.

Martin Şupp beldergänçä, Qızıl xaç Äfğanstanda töp sälamätlek saqlaw xezmätläreneñ tarqalmawın täêmin itü öçen här ay 10 meñ 500 mediśina xezmätkärenä aqça tüläp tora. “Mediśina xezmätkärlärenä xezmät xaqı tüläwneñ töp burıçıbız bulmawın beläbez. Bez gumanitar yärdäm oyışması bularaq monı êşläw öçen bik turı kilep tä betmibez. Tik êşläwlären täêmin itü öçen iskärmä bularaq monı ğamälgä quydıq,”-dip söyli Qızıl Xaçnıñ operaśiyälär mödire Martin Şupp.