Qıtay suğışqa äzerlänä

Qıtay däwlät başlığı Si Śzin’pin, totrıqsızlıq artu häm bilgesezleklär belän oçraşuların belderep, armiyäneñ xärbi mömkinleklären arttıruı häm suğışqa äzer buluı kiräklegen äytte.

“Barlıq qorallı köçlär iğ’tibarın berdänber häm iñ töp kriteriy bularaq xärbi mömkinleklären arttıruğa biräçäk, böten êşçänlek suğışqa äzerlek häm ciñü quätenä ireşü maqsatına yünältelgän bulırğa tiyeş,”-dide ul.

Si dön’yanıñ 100 yılda ber bula torğan tiz üzgärülär aşa ütüen isäkrtep bolay di: “Qıtay armiyäse milli suverenlıq, iminlek häm üseş mänfäğat’lären saqlarğa, partiyä häm xalıq qarşındağı burıçların cirenä citkerergä tiyeş”.     

Qıtay liderı 2027nçe yılğa qadär armiyäne dön’yadağı iñ yuğarı däräcäle qorallı köçlärdän berse xälenä kiterü öçen quldan kilgänneñ barısın da êşläyäçäklären dä citkerde.